شعر مواليد

قصيدة المولود صالح

يا هلا باللي سقا البيت باحساس السرور
و القصيدة باسم صالح تزين الحانها

جدته تهديه الابيات من نبض الشعور
و من يلوم الجوهرة بالغلا و وجدانها

احتفل بوجوده البيت و زاد النور نور
والورود تفوح بالعطر و تزهى الوانها

هو سمي الجد صالح و بالطيب امخبور
الوفا و الجود و المرجلة  برهانها

قصيدة المولود أمير

اغلى بشارة جعلها دوم تنعاد
و تدوم هالفرحة على اقلوب غالين

واجمل تباشير الفرح يوم ميلاد
امير و من كبر الفرح هلت العين

بجيته زاد الضيا و الغلا زاد
باللحظة اللي نتظرها من اسنين

بوجوده الدنيا غدت كلها اعياد
و شفنا المشاعر من قلوب المهنين